1.5 miliardë doza të vaksinave të administruara në botë

Në mbarë botën deri më tani janë administruar mbi 1.5 miliardë doza të vaksinave kundër COVID-19, kanë treguar të mërkurën të dhënat e përpiluara nga organizata “Our Ëorld in Data”. Pjesa më e madhe e vaksinave është dhënë tri shtete – Kinë, Shtetet e Bashkuara të Amerikës dhe Indi.

Izraeli, ndërkaq, prin me përqindjen e popullatës së vaksinuar, pasi pothuajse 60 për qind e qytetarëve tanimë kanë marrë të dyja dozat e nevojshme. Sipas “Our Ëold in Data”, Kina është vendi me numrin më të madh të vaksinave të administruara, gjithsej 421 milionë, ndërkaq pasohet nga SHBA-ja, ku janë dhënë mbi 273.5 milionë doza.

Në Indi, totali i vaksinave të administruara i është afruar shifrës prej 183.8 milionë, ndërsa në Britani të Madhe në rreth 56.9 milionë. Në Evropë, Gjermania prin me administrimin e rreth 40.8 milionë dozave, pasuar nga Franca me rreth 29.1 milionë dhe Italia me 27.9 milionë. Ndërkaq, në Bashkimin Evropian si tërësi, së paku 32 për qind e popullatës kanë marrë së paku një dozë të vaksinës.

Listën e vazhdon Turqia, e cila ka administruar mbi 26.6 milionë vaksina, e ndjekur nga Rusia, Meksika dhe Indonezia.