Nuk kanë të ndalur befasitë në Eurobasket.
Të dielën Gjeorgjia e ka eliminuar Francën duke e mposhtur me rezultat 80:70.
Franca ishte favorite e madhe për kalim në çerekfinale, por në këtë fazë të Evropianit të basketbollit do të paraqitet Gjeorgjia.
Kamar Baldwin udhëhoqi Gjeorgjinë me 24 pikë e katër kërcime. Tornike Shengelia i kishte 24 pikë e tetë kërcime.
Lojë të mirë shfaqi edhe Alexander Mamukelashvili, që e përfundoi ndeshjen me 14 pikë e 11 kërcime.
Te Franca më i miri ishte Mouhammadou Jaiteh me 10 pikë shtatë kërcime e katër asistime.
14 pikë i realizoi Sylvain Francisco.
Për Gjeorgjinë ky kualifikim është historik. Në çerekfinale gjeorgjianët do të përballen me Finlandën.
Franca ishte finaliste e Eurobasketit të vitit 2022.