Tesla, kompania e automjeteve elektrike në pronësi të Elon Muskut, ka tërhequr mijëra 'Cybertruck' të rinj për shkak të shqetësimeve të sigurisë, shkruan BBC.
Pedalet e gazit të ‘Cybertruckut’ rrezikojnë të bllokohen dhe sipas kompanisë, kjo rrit rrezikun e aksidenteve.
Tërheqja prek 3.878 automjete elektrike të këtij lloji, të cilat kushtojnë afërsisht 61 mijë dollarë një , të prodhuara midis nëntorit 2023 dhe prillit 2024.
“Nëse pedalja e gazit bllokohet mund ta përshpejtojë automjetin pa dashje, duke rritur rrezikun e një përplasjeje”, ka shkruar Departamenti Amerikan i Transportit në një njoftim për tërheqjen.
Tesla do ta rregullojë problemin pa pagesë.
Kompania ka thënë se një komponent nuk u ngjit siç duhet në pedale.
Tesla mori dy ankesa për këtë çështje nga shoferët, më 31 mars dhe 4 prill.
Edhe
Tesla do të fillojë dorëzimin e modelit të ri, ky është çmimi
Kompania shkroi se “nuk ka dijeni për ndonjë përplasje, lëndim apo vdekje në lidhje me këtë gjendje”, që nga 15 prilli.
Projekti ‘Cybertruck’ është përballur me probleme të shumta - duke përfshirë thyerjen e xhamit kur Musku e demonstronte në vitin 2019.
Tërheqja e 'Cybertruckave' vjen në një moment të vështirë për kompaninë, e cila përballet me konkurrencën në rritje nga rivalët dhe ftohjen e interesit për automjetet elektrike.
