Porsche dhe Audi tani do të punojnë së bashku në një platformë të re të veturave, e cila i lejojnë që të dy këto marka që të rrisin teknologjitë elektrike, digjitalizimin e autonominë e veturave, kanë treguar shefat e kompanive, transmeton koha.net.
“Trurët më të mirë të të dyja kompanive së bashku do të përcaktojnë kursin teknik për të ardhmen”, ka thënë shefi i Audi, Rupert Stadler.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoSipas shefit të Porsche, Oliver Blume të dy markat do të shfrytëzojnë eksperiencat e njëra tjetrës dhe “do të bashkëpunojnë kudo që ka nevojë”.
Megjithatë shefi i Porsche ka thënë se partneriteti teknik nuk do të ndikoj në karakterin e makinave të tyre, transmeton koha.net.
“Porsche gjithmonë është Porsche, dhe do të qëndrojë kështu edhe në të ardhmen”, ka shtuar ai.
Bashkëpunimi në mes këtyre dy markave nuk është diçka e re, që të dyja janë pjesë e Volkswagen Group, ndërsa modeli i Porsche Macan përdor shumë komponentë nga Audi Q5 SUV.
Porsche planifikon të lansojë veturën elektrike Mission E në vitin 2020 derisa Audi është duke prodhuar një SUV elektrik, i cili do të dal në viti 2018.
Që të dy do të ofrojnë vozitje autonome në shkallë të ndryshme.