Prodhuesi gjerman i veturave Opel ka ndërtuar atë që pretendon se është vetura e parë e garave krejtësisht elektrike, veturë e cila është e bazuar në veturën e parë elektrike të prodhuesit.
Corsa-e është hera e parë që prodhuesi i veturave ofron një version elektrik me bateri të Corsa-s, një prej modeleve më të famshme të saja.
“Nuk është rastësi që modeli ynë i parë krejtësisht elektrik i gjeneratës së re është një Corsa, modeli ynë më i famshëm dhe një prej veturave më të shitura në Evropë”, ka thënë Michael Lohscheller para gazetarëve në një konferencë për media këtë vit në Russelsheim, Gjermani, duke paralajmëruar strategjinë e kompanisë për elektrifikim, transmeton Koha.net.
“Modeli Corsa-e, jo vetëm se e bën lëvizjen elektrike më praktike dhe më të volitshme, por edhe më të qasshme”.
Vetura në versionin e garave ofron një skelet të lehtë e të sigurt. Brenda tij gjendet edhe një fikës elektrik i zjarrit, largim i shpejtë i tavanit si dhe shkathtësi regjeneruese të frenimit për të rritur sigurinë.
Opel-i planifikon të prodhojë 15 vetura garuese, specifikisht për ADAS Opel e-Rally Cup 2020 deri më 2021, sipas “Roadshow”. Gara me vetura elektrike, që është e para e këtij lloji, mbledh rreth 100 shoferë të rinj nga 18 vende për të garuar me vetura elektrike, sipas presidentit të “ADAC Sport”, Hermann Tomczyk.
Edhe
Opeli feston 120 vjetorin me modele elektrike
Opel-i ka në plan të zgjerojë gamën e modeleve elektrike, përfshirë edhe atë që pritet të jetë modeli i parë i kompanisë hibridi plug-in me tërheqje me të gjitha rrotat, Grandland X Hybrid4. Prodhuesi i veturave planifikon të ketë një version elektrik për të gjitha modelet e veta deri më 2024, sipas CEO-s së Opel-it, Michael Lohscheller.
Më poshtë mund të shihni veturën e parë krejtësisht elektrike të destinuar për gara, e cila u prezantua pak para zbulimit të saj zyrtar në Frankfurt Auto Show.
{gallery}
