Norvegjia ka arritur një moment tjetër historik në adoptimin e veturave elektrike.
Bloomberg shkruan se çdo e pesta veturë në këtë shtet tani është pa emetim të dioksidit të karbonit.
Asociacioni norvegjez i Veturave Elektrike vlerëson se do të duhen më pak se dy vjet që veturat elektrike të arrijnë atje 30 për qind të numrit total të veturave.
Blerja e automjeteve elektrike në Norvegji është rritur në 20 për qind, nga 10 për qind sa ishte në më pak se tri vjetët e fundit, ka bërë të ditur Asociacioni.
Rritja e numrit të veturave elektrike në shtetin skandinav është rezultat i disa masave, ndër të cilat më i rëndësishmi - reduktimi i taksave për blerjet e reja. Kjo pritet të çojë në realizimin e targetit që të gjitha veturat e shitura në vitin 2025 në Norvegji të jenë me transmetime zero.
Në vitin 2020, Norvegjia u bë shteti i parë në botë në të cilin modelet e veturave elektrike mbizotërojnë në mesin e të reja.
-
Për herë të parë, Norvegjia ka më shumë vetura elektrike se me benzinë
-
Norvegjia, vendi i parë në të cilin të gjitha veturat e reja të shitura do të jenë elektrike
-
Shumica e makinave të shitura në Norvegji më 2024 ishin elektrike
-
Cilat vende evropiane do të kenë më shumë vetura elektrike në vitin 2035
-
Shitjet e veturave elektrike arrijnë në 20 milionë në vitin 2025