Nissan Leaf, modeli më i shitur në botë

Kompania japoneze Nissan njoftoi se modeli i saj Leaf u bë makina e parë elektrike në histori që shitet në 400,000 kopje.

Modeli u shfaq në treg tetë vjet më parë, më saktësisht në dhjetor 2010 dhe sot është modeli më i shitur elektrike në botë, transmeton KosovaPress.

Deri në dhjetor të vitit 2015, shitja e këtij modeli tejkaloi shifrën prej 200,000 automjeteve, që do të thotë që Nissan shiti një shtesë prej 200,000 njësive në tre vjetët e ardhshëm.

Kompania japoneze prodhon veturën në tre kontinente - në Japoni, Britani dhe SHBA, dhe modeli Leaf është në dispozicion në më shumë se 50 tregje në mbarë botën.