Gjiganti gjerman i veturave, Volkswagen, në fillim ka promovuar Polon e re në version Hatchback me pesë dyer, duke përfshirë edhe versionin GTI, por tashmë ajo ka paralajmëruar edhe versionet Crossover dhe Sedan.
Duket se së shpejti mund të arrijë versioni Crossover, por mbetet pyetja nëse në gjeneratën e re do të ketë vend edhe për Cross Polon, transmeton Koha.net.
Dizajneri i famshëm i pavarur, X-Tomi Design ka shpalosur idenë e tij për pamjen e mundshme të gjeneratës së re të Cross Polos.
Ndër të tjera, X-Tomi Design për Cross Polon e re ka parashikuar të jetë më i lartë, të ketë mbajtëset mbi çati, rrotat e reja, si dhe elementet shtesë për siguri në eksterier.
