Rolls-Royce gjatë këtij muaji ka prezantuar modelin e ri Cullinan, i cili përshkruhet si “vetura për të gjitha terrenet”.
Nën kofanon e tij gjendet motori 6.75-litër Bi-Turbo V12 me kapacitet prej 563 kuajfuqi, gjë që është e mjaftueshme që ky model i rëndë 2,660 kilogramë të arrijë shpejtësinë maksimale deri në 250 kilometra në orë.
Ndërkohë, është publikuar një fotografi jozyrtare përmes së cilës dizajneri i famshëm i pavarur, X-Tomi Design, ka shpalosur idenë e tij se si mund të duket Cullinan i modifikuar, transmeton Koha.net. Mbetet të shihet se sa i është afruar kur ky model luksoz vërtetë do të modifikohet nga ndonjë kompani, për shembull nga Mansory ose Liberty Walk.
Cullinan në këtë fotografi është më i gjerë dhe më i ulët, me eksterier dy-ngjyrësh, paketën për aerodinamikën, rrotat e reja, etj.