Në mes të vitit të kaluar, themeluesi i Ferrarit, John Elkann, konfirmoi se kompania do të lansonte veturën e saj të parë sportive të pastër elektrike në vitin 2025.
Duket se Ferrari po ecën përpara me procesin e zhvillimit, pasi firma sapo ka paraqitur një patentë për veturën e re elektrike sportive.
Aplikimi për patentë i Ferrarit është për një dysheme dhe shasi, e cila ka hapësirë për dy paketa baterish. Ekziston një njësi më e madhe e montuar në pjesën e pasme të automjetit dhe një paketë e gjerë dhe e sheshtë e fiksuar poshtë ndarjes së pasagjerëve, e cila është formuar për të lënë hapësirë të mjaftueshme për pasagjerët.
Forma e prototipit në skicat e patentave të Ferrarit sugjeron gjithashtu se modeli i tij i parë plotësisht elektrik nuk do të largohet shumë nga gjuha e projektimit të përcaktuar nga automjetet e tij me motor me djegie. Paketa e baterive dhe motorët elektrikë do të vendosen në pjesën e pasme të automjetit, duke zënë hapësirën e caktuar zakonisht për motorin me djegie dhe kutinë e shpejtësisë.
-
Ferrari më 2025 lanson veturën e parë elektrike
-
Ferrari në vitin 2025 do ta lansojë veturën e parë tërësisht elektrike
-
Ferrari zbulon detajet e modelit të parë elektrik, pritet të kushtojë 500 mijë euro
-
Gjithçka që dihet për superveturën elektrike të Ferrarit
-
Ferrari synon t’i pajisë veturat elektrike me “zë origjinal të motorit”