Prodhuesi i veturave luksoze, Ferrari, ka bërë të ditur se do të rinisë operimet në fabrikat në Maranello dhe Modena të Italisë nga 4 maji, kur në Itali nis lehtësimi i masave të marra kundër koronavirusit.
Dy fabrikat, në veri të Italisë, janë mbyllur që nga mesi i muajit mars kur në vend ishin ndërprerë operimet e bizneseve për shkak të përpjekjeve për të parandaluar shpërndarjen e virusit.
Kompania ka bërë të ditur se operimet do të vazhdojnë “gradualisht” dhe do të rikthehen në prodhim të plotë nga 8 maji.
Ferrari ka thënë se para vazhdimit të punës do të organizojë trajnime për punëtorët me fokus në masat për mbrojtje që duhet t’i kenë parasysh. Nën këtë program, ekipi i Ferrarit do të duhet të bëjë teste për koronavirus.
Gjatë mbylljes, Ferrari ka prodhuar pjesë për respiratorë për trajtimin e pacientëve me koroanvirus dhe maska për të mbrojtur stafin mjekësor.
-
Ferrari prezanton superveturën elektrike “Luce” në vlerë prej 640 mijë dollarë
-
Ferrari zbulon detajet e modelit të parë elektrik, pritet të kushtojë 500 mijë euro
-
Volkswageni ndërpret prodhimin e veturave elektrike në dy fabrika në Gjermani
-
Mariah Carey pritet të rikthejë turneun e Krishtlindjeve në Evropë pas tetë vjetësh
-
Reforma në Gjermani: Ndryshojnë rregullat për pushimet mjekësore, tatimet e kontratat e punës