Drejtori i Përgjithshëm i Volkswagenit, Herbert Diess, po largohet nga posti i tij në një lëvizje befasuese, duke filluar nga 1 shtatori, shkruan CNN.
Kompania njoftoi se Diess do të zëvendësohet nga Oliver Blume, kreu i divizionit të veturave të performancës së Porsche të Volkswagenit (VLKAF).
Volkswagen, prodhuesi i dytë më i madh i automjeteve në botë, nuk dha arsye për largimin e Diessit.
Por sipas burimeve, familjet Porsche dhe Piech – të cilat mes tyre zotërojnë shumicën e të drejtave në Volkswagen – kërkuan një ndryshim në krye.
Ishte një mandat sfidues për Diessin. Ai mori “frenat” e Volkswagenit në vitin 2018, në vazhdën e skandalit "dieselgate" që e detyroi kompaninë të paguante gjoba masive në SHBA dhe Evropë për leximet mashtruese të emetimeve.
Megjithatë, ai ishte në gjendje ta vendoste atë skandal kryesisht në pasqyrën e pasme të kompanisë. Dhe ai u përqendrua në automjetet elektrike shumë më shumë se prodhues të njohur të automjeteve, duke e pozicionuar Volkswagenin për një ndryshim të madh.
-
Volkswageni planifikon ulje drastike të prodhimit
-
Volkswageni do t’i shkurtojë 50 mijë vende pune në Gjermani
-
Volkswageni paralajmëron shkurtimin e mijëra vendeve të punës deri në fund të vitit
-
Volkswageni premton revolucion në modelin e frymëzuar nga Golf 4
-
Ndryshim epokash, Apple cakton shefin e ri