Dy kompanitë e njohura teknologjike nga Azia, “Sharp” nga Japonia dhe “Foxconn” nga Kina, kanë bashkuar forcat për të prodhuar një minibus elektrik që do të marrë emrin “LDK+”. Vetura është prezantuar në Forumin Ndërkombëtar të Tokios.
“LDK+” duket sikur një shtëpi në rrota. Dizajni është i fokusuar në atë formë që të ketë hapësirë sa më të madhe të mundshme.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoBrenda minibusit, pasagjerët ndjehen sikur të jenë në sallon, ulëset mund të lëvizin e po ashtu edhe perdet. Vetura është e pajisur me inteligjencë artificiale që përshtat temperaturat dhe ndriçimin.
Një nga veçoritë kryesore është një ekran i gjatë 65-inç. Po ashtu është edhe një tavolinë lëvizëse për të funksionuar edhe punën si në zyrë.
“LDK+” përdor platformën elektrike të Foxconnit. Vetura ka një bateri “rezervë” dhe panele solare që janë të vendosura, e që mund të lidhen me shtëpinë përmes inteligjencës artificiale, e cila mund ta shfrytëzojë energjinë për ta furnizuar shtëpinë me rrymë, në raste urgjente.