Sindikata “United Auto Workers” të premten ka filluar tre greva të njëkohshme në tre fabrikat e mëdha amerikane për prodhimin e veturave, General Motors, Ford dhe Stellantis.
Kjo është grevë historike, pasi për herë të parë në disa dekada, grevat po mbahet njëkohësisht në tre kompanitë. Mbi 13 mijë punëtorë janë futur në grevë.
Greva ka nisur me të skaduar kontratat e punëtorëve mesnatën e së enjtes.
Sindikata ka bërë të ditur se kompanitë nuk kanë pranuar propozimin e tyre për kontratat e reja.
Shawn Fain, drejtuesi i Sindikatës, ka thënë se për momentin nuk do të mbajnë greva më të kushtueshme, “por se të gjitha opsionet janë të hapura”.
Sipas Shtëpisë së Bardhë, edhe presidenti Joe Biden ka biseduar me Feinin në lidhje me negociatat. Por s’ka dhënë më shumë detaje.
Sindikata ka kërkuar 40 për qind rritje të pagës për 140 mijë punëtorë përgjatë katër vjetëve të ardhshëm, katër ditë pune në javë, rritje automatike të pagës në përputhje me rritje të inflacionit, kufizime më strikte se për çfarë periudhe mund të konsiderohet një staf “i përkohshëm”.
Greva ka shkaktuar frikë se mund të nxisë rritjen e çmimeve dhe të çrregullojë industrinë e veturave.
Kompania Ford ka thënë se nëse pranohen propozimet e Sindikatës, do t’i rriste më shumë sesa dyfish shpenzimet për punëtorët në SHBA.
© KOHA. Të gjitha të drejtat janë të rezervuara.
