Kina do të bëhet eksportuesi më i madh i veturave në botë këtë vit, duke kaluar Japoninë. Momenti do të shënojë fundin e dekadave të dominimit nga kompanitë evropiane, amerikane, japoneze dhe koreano-jugore, shkruan Financial Times.
Megjithatë, rritja globale e Kinës ka probleme të thella strukturore në industrinë vendase të automjeteve, të cilat kërcënojnë të përmbysin tregjet e veturave në mbarë botën.
Ka mospërputhje të madhe midis prodhimit dhe kërkesës për vetura në Kinë.
“Ne kemi një mbingarkesë me 25 milionë njësi që nuk përdoren”, ka thënë Bill Russo, ish-kreu i Chryslet në Kinë.
Vitet e politikës industriale mbështetëse dhe investimeve të sektorit privat kanë rritur konkurrencën e Kinës në industrinë e veturave. Prodhuesit vendas, duke përfshirë BYD-in, “kampionin” e veturave elektrike, tani po i shesin më shumë prodhuesve të huaj të automjeteve dhe po synojnë tregjet jashtë shtetit për rritje.
Eksportet vjetore të automjeteve të Kinës, të cilat tejkaluan ato të Koresë së Jugut më 2021 dhe Gjermanisë më 2022, tani janë në rrugën e duhur për të tejkaluar atë të Japonisë këtë vit, sipas të dhënave të Moody.
Megjithatë, vëllimet e shitjeve në Kinë arritën kulmin në vitin 2017, tregojnë të dhënat nga Automobility.
Prodhuesit kinezë tani po synojnë tregjet e huaja për të shitur miliona vetura. Tregu vendas është “harxhuar” mes krizës që ka kapluar shtresën e mesme.
© KOHA. Të gjitha të drejtat janë të rezervuara.
