Prodhuesi gjerman i automjeteve, Mercedes, do të investojë miliarda dollarë për të modernizuar fabrikat e tij në Kinë, Gjermani dhe në Hungari gjatë viteve të ardhshme, raportoi “Automobilëoche”, transmetoi “Reuters” të dielën.
Ky prodhues po përgatitet të kalojë në automjetet elektrike dhe të reduktojë emetimet.
Bashkimi Evropian ka vendosur një objektiv për të përgjysmuar emetimet e dioksidit të karbonit për vetura deri në fund të kësaj dekade krahasuar me vitin 2020 dhe po kërkon marrëveshje për një afat kohor të vitit 2035 për t’i dhënë fund shitjes së veturave me lëndë djegëse fosile.
Mercedesi ka thënë se do të jetë gati të dalë me energji elektrike deri në fund të kësaj dekade, ku kushtet e tregut lejojnë.
"Po investojmë një shumë treshifrore për fabrikë për fillim", citohet të ketë thënë menaxheri i prodhimit, Joerg Burzer, duke shtuar se këto investime do të jenë në fabrikat në Pekin, Rastatt në Gjermani dhe Kecskemet në Hungari.
Sipas Burzerit, prodhuesi i makinave do të fillojë punën në fabrikën Rastatt gjatë muajve të ardhshëm dhe do të prodhojë modelin e parë të platformës kompakte të automjeteve MMA nga viti 2024. Numri i modeleve të prodhuara atje do të ulet në katër nga shtatë.
Përveç kësaj, Mercedesi do të investojë një shumë të ulët njëshifrore miliardë dollarë në modernizimin e sistemeve të lyerjes në fabrikat e tij Sindelfingen, Bremen dhe Rastatt në Gjermani.
Mercedes po shqyrton gjithashtu zgjerimin e fabrikës së tij në SHBA në Tuscaloosa, ku mund të përfitojë nga subvencionet e qeverisë sipas Aktit të Reduktimit të Inflacionit të vitit të kaluar.
© KOHA.
