BYD e Kinës ka kaluar Volkswagen në listën e markave më të shitura të automjeteve.
Sipas të dhënave nga CMB (China Merchants Bank International), gjigandi vendas i automobilave shiti 152.863 automjete në tregun kinez në nëntor, që është një rritje prej 83 për qind krahasuar me të njëjtin muaj në 2021.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoNë të njëjtën kohë, Volkswagen shiti 143.602 makina, me një rënie prej 0.3% dhe zbriti në vendin e dytë në listën e markave më të njohura të makinave në Kinë.
Nëse rezultatit të Volkswagen-it i shtojmë 36.847 Audi të shitura, Volkswagen do të ruante pozitën udhëheqëse.
Edhe pse mungojnë të dhënat e ditëve të fundit të nëntorit për pozicionin përfundimtar mujor, është pothuajse e sigurt që BYD do të jetë marka e makinave më të shitura në tregun kinez për herë të parë në histori.
Suksesi është edhe më i madh pasi BYD ofron vetëm makina elektrike dhe hibride plug-in. Dhe kur bëhet fjalë për makinat elektrike, duhet përmendur edhe suksesin e kompanisë Tesla, e cila dyfishoi shitjet në Kinë, kryesisht falë uljes së çmimeve.
Kujtojmë se BYD po planifikon një angazhim më të fortë në Evropë, ku do të ofrojë modele mjaft konkurruese. Gama së shpejti duhet të përfshijë deri në pesë modele të kësaj marke.