Volkswagen do të ndjekë Tesla-n, BMW-në dhe prodhuesit e tjerë të automjeteve në eksportimin e vetura elektrike nga Kina në Evropë, duke përmendur kapacitetin e kufizuar të prodhimit në tregun vendas.
Marka sportive spanjolle Cupra e VW do të prodhojë SUV-in e saj të parë plotësisht elektrik, Tavascan, në një nga fabrikat e sipërmarrjeve të saj të përbashkëta në Anhui, bëri të ditur Volkswagen.
E ndërtuar në të njëjtën platformë MEB si seria VW ID, kompakti Tavascan do të dalë në shitje në Evropë në vitin 2024. Është modeli i dytë i Cupras i bazuar në platformën MEB pas hatchback-ut Born.
VW po punon në planin e saj financiar pesë-vjeçar për të vendosur se cilat modele të reja do të ndërtohen në cilat fabrika dhe sa para do të investojë në ato vende deri në mesin e dekadës.
Këto vendime varen nga lëshimi i platformave softuerike për modelet e ardhshme elektrike.
Modelet elektrike që tashmë janë dërguar nga fabrikat kineze në ekspozitat evropiane përfshijnë Model 3 të Tesla-s, iX3 të BMË-së dhe Dacia Spring të Renault.
