Auto

Lada Granta, modeli më i shitur në Rusi

Në Rusi, gjatë majit janë shitur 151.964 vetura të reja apo 230% më shumë se në majin e vitit të shkuar, kur shitja ra për shkak të masave anti-COVID.

Në pesë muajt e parë të këtij viti në Rusi janë shitur 663.612 vetura të reja, e kjo i bie 38.7 për qind më shumë se në periudhën e njëjtë të vitit të shkuar.

Më së shumti vetura ka shitur Lada, brend rus. Lada ka shitur 38.284 njësi, ndërkohë pason Kia me 18.818 njësi e Hyundai me 16.261.

Modeli më i shitur në maj është ai i Ladës, Granta, me 12.829 njësi.

Në vend të dytë është Lada Vesta me 10.050 njësi, kurse në të tretin Kia Rio me 6.682 njësi të shitura.

Lada Niva është në vend të pesë, ndërkohë është modeli SUV më i shitur në Rusi, me 6.169. \ autoblog

Image