Subaru nuk është përfundimisht e vetmja kompani që kërkon që të gjitha burimet e saj t’i fokusojë tek automjetet elektrike.

Kompania japoneze ka vetëm disa automjete të elektrizuar në shitje globalisht deri më tani, duke përfshirë Crosstrek Hybrid për tregun amerikan si dhe Forester e-Boxer në Evropë, por Subaru është duke përgatitur një plan “agresiv” për dy dekadat e ardhshme.

Subaru do të ketë automjete të forta hibride falë bashkëpunimit me gjigantin Toyota, dhe një projekt madhor po përgatitet për fundin e kësaj dekade, i cili do të ndihmojë Subarun të arrijë 40 për qind të automjeteve elektrike shumë shpejt.

Ata kanë lëshuar tashmë skica të modelit elektrik, i cili duhet të duket si një Crossover dhe Subaru planifikon të prodhojë vetëm automjete elektrike në gjysmën e parë të vitit 2030.

“Megjithëse ne përdorim teknologjinë e Toyotës, këto hibride do të jenë ekskluzivisht modele Subaru. Nuk ka të bëjë vetëm me emetimet e dyoksidit të karbonit, por ka të bëjë me dëshirën për të përmirësuar sigurinë dhe performancën e të gjitha modeleve të automjeteve tona”, tha Tetsuo Onuki, kreu i zhvillimit të teknologjisë në Subaru.

Më shumë detaje rreth planit të Subarut do të bëhen të ditura së shpejti./kosovapress