Auto

BMW do ta “shuajë” i8-shin në prill

BMW do të përfundojë prodhimin e modelit të tij sportiv, i8, në muajin prill.

Sipas revistës Autocar, BMW do të “vrasë” i8-shin pas gjashtë vjetëve të prodhimit, pa asnjë informacion ende për një pasardhës të mundshëm.

Mediat britanike spekulojnë se bavarezët do të nxjerrin një model të ri hibrid sportiv në pesë vjetët e ardhshëm.

Parashikohej se do të bazohej në konceptin Vision M Next nga viti i kaluar, por u mohua nga drejtori i zhvillimit Klaus Frolic.

Ai u tha mediave australiane se BMW nuk do të bënte pasardhës të drejtpërdrejtë për modelet e para hibride i3 dhe i8./ksp