Pas prezantimit të modeleve të reja si Superb, Suberb iV hibrid, Superb Scout, Citigo në version elektrik për qytet, si dhe versionin Monte Carlo të Scalës dhe Kamiqit në panairin e veturave që është mbajtur së fundmi në Frankfurt, kompania e njohur çeke Skoda tani është duke u përgatitur të promovojë edhe gjeneratën e re të Octavias.
Skoda do ta promovojë gjeneratën e re të modelit Octavia më 11 nëntor në Pragë, me të cilin do të shënojë edhe 60-vjetorin e Octavias së parë, transmeton Koha.net. Deri atëherë, sot janë publikuar skicat zyrtare të Ocativas së re si paralajmërim se së shpejti do të mbahet premiera e tij.
Kujtojmë se Octavia e re do të vijë me platformën MQB të Volkswagenit, si dhe se do të ketë më shumë hapësirë në interier dhe bagazh më të madh se modeli aktual.
Sipas informacioneve të tanishme, Octavia e re do të jetë më e gjatë për 2 cm sesa modeli aktual ndërsa boshtin e rrotave do ta ketë të njëjtë.
Sa i përket interierit, do të përbëhet nga materiali cilësor, do të ketë një ekran të ndjeshëm në prekje, si dhe si opsion për zgjedhje do të jetë në dispozicion edhe instrument-tabela digjitale 12.3-inçësh.
Gjithashtu, në gamën e gjeneratës së re të Octavias në dispozicion do të jetë edhe versioni Liftback dhe Combi (karavan).
Ndërsa në gamën e motorëve, pritet të jenë motorët benzinë - 1.0-litër me tre cilindra, 1.5 dhe 2.0-litër; disa motorë dizelë po ashtu, si dhe versioni plug-in hibrid.
Përmendet edhe se motorët benzinë do të jenë në dispozicion me sistemin 48-voltësh (mild-hybrid), si dhe se në krye të ofertës do të jetë versioni sportiv Octavia RS me kapacitet rreth 265 kuajfuqi.
Revista e njohur gjermane “Auto Bild”, po ashtu, ka publikuar sot një fotografi të Octavias së re në version karavan.
-
17 tetor 2019 17:12
-
Shpërndaje në: