Alibaba lidh marrëveshje me Audin, Renaultin dhe Hondën për sistemin e fonisë

Alibaba lidh marrëveshje me Audin, Renaultin dhe Hondën për sistemin e fonisë

13 June 2019 09:35

Pekin, 13 qershor – Gjiganti aziatik i shitjeve online Alibaba ”do të flasë” te makinat e Audit, Renaultit dhe Hondës, të shitura në Kinë.

Amazon-i kinez ka njoftuar një marrëveshje me tre prodhuesit e makinave për të sjellë ”smart speaker” dhe asistentin e zërit në bordin e këtyre mjeteve.

”Mekanizmi që do të instalohet në makina quhet ‘Tmall Genie Auto’ dhe bazohet në inteligjencën artificiale”, shpjegon Alibaba në një deklaratë, të cilën e transmeton atsh njoftimin e ANSA-s.

Në modelet e këtyre makinave përdoruesit do të jenë në gjendje të përdorin komandat zanore për të kërkuar restorantet më të afërta, për blerjen e biletave të kinemasë, blerje në internet si dhe kontrollimin e pakove në postë ose leximin e një libri për fëmijë.

Në një të ardhme të afërt, sistemi do të monitorojë gjithashtu edhe pajisjet e shtëpisë, nga dritat deri tek ajri i kondicionuar.

Kjo marrëveshje u prezantua në Shangai dhe Japoni gjatë edicionit aziatik të ”Consumer Electronics Show” (CES) gjatë një panairi elektronike.

Komentet

Shto koment

Të ngjashme