Vizitë të re me mesazhe të vitit të kaluar kanë dhënë zyrtarët e BE-së, që u pritën zyrtarisht të mërkurën në Kosovë, raporton KTV.
Luftimi i krimit të organizuar e korrupsionit, bashkë me demarkacionin, për drejtorin gjeneral të KE-së për Fqinjësi dhe Negociata për Zgjerim, Christian Danielsson, mbeten kusht për liberalizimin e vizave.
Danielsson, bashkë me drejtorin menaxhues për Evropë dhe Azi Qendrore në Shërbimin Evropian për Punë të Jashtme, Thomas Mayr-Harting, folën edhe për strategjinë e zgjerimit për vendet e Ballkanit Perëndimor. Ata thanë se strategjia e re thotë se nuk mund të ketë progres për Serbinë pa implementimin e marrëveshjeve me Kosovën.
Kryeministri, siç zakonisht shprehet në takime të tilla, tha se Kosova ka shumë punë për të bërë.
Për dinamizim të implementimit të MSA-së, foli edhe ministrja Dhurata Hoxha. Zyrtarët e BE-së, përpos takimit ndaras me kryeministrin, kanë takuar edhe kreun e kuvendit si dhe shefat e grupeve parlamentare në Kuvend.
-
Danielsson: Janë edhe dy kushte për liberalizim, demarkacioni dhe luftimi i korrupsionit
-
Zyrtarja e BE-së ia kujton krerëve të shtetit kushtin për liberalizim të vizave
-
Danielsson ia kujton Kosovës dy kushtet për liberalizim të vizave: korrupsionin dhe demarkacionin
-
Ministrat e BE-së kërkojnë nga Kosova e Serbia normalizim të marrëdhënieve
-
Në BE pajtohen: Liberalizimi i vizave për Kosovën duhet të ndodhë sa më shpejt