Zyra e Bashkimit Evropian në Kosovë ka thënë se pavarësia e Komisionit të Pavarur të Mediave duhet në respektohet në çdo kohë.
Sipas kësaj zyre, çdo ndërhyrje e motivuar politikisht do të eliminohet dhe anëtarët e këtij komisioni duhet të jenë të lirë.
Në njoftimin e Zyrës së BE-së thuhet se Kosova duhet ta miratojë Ligjin për KPM-në përmes një procesi të hapur, të shpejtë dhe duke përfshirë shoqërinë civile e organizatat mediatike.
“Në një takim me Kryesuesin e Komisionit të Pavarur për Media (KPM), Shefi i Seksionit për Sundim të Ligjit dhe Juridik të PSBE-së theksoi se pavarësia e KPM-së do të respektohet në çdo kohë, se çdo ndërhyrje e motivuar politikisht do të eliminohet dhe se anëtarët e KPM-së duhet të jenë të lirë të ushtrojnë detyrat e tyre. Mbetet thelbësore që Kosova ta miratojë Ligjin për KPM-në në një proces të shpejtë, të hapur dhe transparent, me konsultime të duhura duke përfshirë shoqërinë civile dhe organizatat mediatike”, thuhet në njoftim.
-
OSBE: Projektligji për KPM-në të mos ketë kufizime dhe ndikim të padrejtë në media
-
IKD: Vendimet e KPM-së po cenojnë seriozisht lirinë e mediave në Kosovë
-
UNMIK-un e zëvendësojnë kosovarët, jo BE-ja
-
BE-ja i kërkon KPK-së zbatimin e plotë të reformave: Shteti ligjor, parakusht i domosdoshëm për integrim
-
BE-ja u bën thirrje partive ta respektojnë vendimin e Kushtetueses