Takimet publike të mbajtura me qytetarë për të diskutuar Planin Zhvillimor Komunal (PZHK) dhe hartat zonale nuk e kanë përfshirë fare zonën e 14 fshatrave të Rugovës.
Mosmbajtja e këtyre takimeve ka shkaktuar reagime. Agron Nikçi, kryetari i Bashkësisë Lokale Drelaj, që mbulon gjysmën e fshatrave të Rugovës, tregon se në ftesat për debatet e mbajtura për PZHK dhe HZ nuk ka figuruar asnjë fshat i trevës së Rugovës, shkruan sot “Koha Ditore”.
“Treva e Rugovës nuk ka qenë fare në agjendë dhe Rugova nuk ka qenë e paraparë në asnjë takim. Unë si kryetar i Bashkësisë Lokale Drelaj kam qenë i pranishëm vetëm në takimin e parë publik informues”, ankohet Nikçi.
Ky takim i parë informues ishte mbajtur në muajin prill në teatrin e qytetit, ku kanë qenë të ftuar të gjithë kryetarët e bashkësive lokale, para se të nisnin për t’u mbajtur takimet publike në muajin maj së pari në qytet. “Në asnjë takim, komuniteti rugovas për trevën e Rugovës, nuk jemi ftuar. Atë ditë më kanë thënë eja merri fletët për agjendën e takimeve, por në ato agjenda nuk kanë qenë as Bashkësia Lokale I e as II e Rugovës.
Edhe na si komunitet i Rugovës jemi të zhgënjyer që kemi mbetur jashtë këtyre takimeve, sepse edhe na kemi pasur mjaftë kërkesa që i kishim shpreh si komunitet. Kemi pasur një mijë kërkesa, sepse Rugova është e paprekur dhe nuk po duan thjesht me ba investime në të”, ankohet ai. Në Drejtorinë e Urbanizmit pranojnë se e kanë lënë trevën e Rugovës jashtë këtyre takime, por jo me qëllim të anashkalimit të zhvillimit të saj me planet zhvillimore.
Edhe
Komuna e Pejës s’i përfshin banorët e Rugovës në takimet publike për hartim të hartës zonale
“Rugova nuk është përfshirë në ato takime për shkak se ajo konsiderohet park kombëtar dhe është kompetencë e Ministrisë se Mjedisit dhe Planifikimit Hapësinor”, tregon drejtori i Urbanizmit, Rajan Arapi, arsyen.
Kurse nga takimet me banorë të pjesëve të tjera të Pejës është dominuar nga kërkesat për ndërtimin apo finalizimin e kanaleve të ujitjes... (më gjerësisht lexoni sot në “Koha Ditore”)
