Drejtoria e Shëndetësisë në Komunën e Prishtinës, në koordinim me Komitetin për Vaksinim dhe Sekretarin e Përgjithshëm në Ministrinë e Shëndetësisë, ka marrë vendim që të zgjatet orari i vaksinimit me vaksinat anti-COVID-19.
Me këtë rast, shtohen mundësitë për t’u vaksinuar për ata që dëshirojnë më shumë imunitet në luftën kundër koronavirusit.
Qendra Kryesore e Mjekësisë Familjare në Prishtinë, nëpërmjet një postimi në Facebook, ka njoftuar se nga e mërkura do të zgjatet orari i vaksinimit në Qendrën e Mjekësisë Familjare në Kalabri.
Orari i ri i punës do të jetë nga ora 07:00 deri në orën 19:00 gjatë ditëve të punës, ndërsa në vikend nga ora 07:00 deri në orën 15:00.
“Kujdesi Parësor Shëndetësor- Drejtoria e Shëndetësisë-Komuna e Prishtinës në koordinim me Komitetin për Vaksinim dhe Sekretarin e Përgjithshëm në MSH kemi vendosur që duke filluar nga dita e mërkurë me dt. 12.01.2022 të zgjasim orarin e vaksinimit në QMF Vll në Kalabri si vijon: E hënë – e premte nga ora 07:00-19:00 dhe e shtunë e diele nga 07:00-15:00”, thuhet në njoftimin e QKMF-së.
-
Nga nesër vaksinimi anti-COVID edhe në Kodrën e Trimave në Prishtinë
-
MSH-ja arsyeton shkurtimin e orarit të vaksinimit me numrin e vogël të kërkesave
-
Shkurtohet orari i punës, njësitet e vaksinimit mbyllen në orën 15
-
Zgjatet orari i punës për disa shërbime komunale në Prishtinë
-
14 QMF-ja në Prishtinë furnizohen me vaksina kundër gripit sezonal