Kryetari i Zubin-Potokut, Izmir Zeqiri, njoftoi se ka marrë mesazhe ofenduese në Facebook, në gjuhën serbe.
Siç e bëri të ditur ai të martën, një qytetar i ka shkruar “Mirëdita zotëri kryetar i rrejshëm, deri kur do të luani këtë çmenduri me 2 për qind të votave”.
Për këtë mesazh Zeqiri tha se “çetnikët s’po e harrojnë”.
“Çetnikët nuk më harrojnë, më përshëndesin nga një herë me kësi lloj mesazhi”, shkroi kryetari i Zubin-Potokut.
Serbët lokalë kanë kërkuar që Zeqiri dhe kryetarët e tjerë të komunave veriore të dorëhiqen.
Edhe
Kryetari i Zubin-Potokut thotë se është kërcënuar me jetë nga një person
Zeqiri, njëherit anëtar i Partisë Demokratike të Kosovës (PDK), u ishte bindur kërkesave të Shteteve të Bashkuara të Amerikës dhe të Bashkimit Evropian, që detyrën e kryetarit të ushtrojë nga një zyre alternative. Kërkesa e bashkësisë ndërkombëtare kishte ardhur me qëllim të shtensionimit së tensioneve në veri.
Tensionet kishin nisur më 26 maj (e premte), kur kryetarët e zgjedhur të komunave veriore, ishin futur në objektet komunale.
-
“Oficeri i MUP-it” kërcënon dy herë kryetarin e Zubin-Potokut
-
Kryetari i Zubin Potokut reagon ndaj fushatës së Listës Serbe
-
Zeqiri thotë se sulmet terroriste ndaj infrastrukturës kritike mund të përsëriten
-
Zeqiri: Shpërthimi ndodhi në oborrin e shtëpisë së bashkëpunëtorit tim më të mirë nga komuniteti serb