Norë Xhuzi, gazetare nga komuniteti egjiptian, ka deklaruar se në raporte të ndryshme, jeta e komuniteteve rom, ashkali dhe egjiptian në Kosovë paraqitet e mirë, por në realitet, s’është kështu.
Ajo ka thënë në Konfrontin e KTV-së të mërkurën se komunitetet pakicë në Kosovë vazhdojnë të përballen me jetë të dobët, duke nisur nga kushtet ekonomike e sociale. Sipas Xhuzit, edhe niveli i tyre i arsimimit është i dobët.
“Jeta e komuniteteve rom, ashkali dhe egjiptian vazhdon të jetë e dobët, duke filluar nga kushtet ekonomike e sociale. Nga niveli i arsimimit, pavarësisht fushatave që bëhen për t’i motivuar. Nëse shkon në një familje e sheh që përkrahje në shumë fusha për ta mungon”, ka deklaruar Xhuzi.
