Presidenti i Serbisë, Aleksandar Vuçiq tha sonte se sulmi ndaj një të riu serb në Mitrovicën veriore tregon se sa e rrezikshme është hapja e urës së Ibrit, duke theksuar se ‘ekziston një fascinim i shqiptarëve me veriun e Kosovës’.
"Këto janë gjëra dhe lajme të këqija. Ne kemi luftuar kundër tij gjatë gjithë kohës. Kjo është arsyeja pse unë thashë se sa e rrezikshme ishte të hapej Ura e Ibrit, pasi dëshira e shqiptarëve është veriu i Kosovës dhe rruga e ‘Mbretit Petar’ në Mitrovicë", tha Vuçiq për televizionin Pink, transmeton KP.
Ndryshe, D.B. (18) nga Mitrovica, i nacionalitetit serb, është therë me thikë nga persona deri tash të panjohur dhe ndodhet në spitalin e veriut të qytetit, ndërsa mësohet se ndodhet jashtë rrezikut për jetën. Ngjarja ka ndodhur sonte rreth orës 18:00 mbi urën kryesore të Ibrit në Mitrovicë.
Policia ka dalë menjëherë në vendin e ngjarjes dhe është duke punuar në mënyrë intensive për ndriçimin e plotë të rastit dhe kapjen e autorit apo autorëve.
Kryeministri në detyrë i Kosovës Ramush Haradinaj ka dënuar ashpër rastin e përleshjes dhe therjes së një të riu serb në urën e lumit Ibër.
-
Presidenti i Serbisë thotë se më 14 ose 15 gusht do të hapet “dhunshëm” ura në Mitrovicë
-
Veseli: Reagimi i Vuçiqit për therjen e të riut serb është tendencë për destabilizimin e rajonit
-
Haradinaj dënon therjen e të riut serb mbi Ibër, thotë se është rast i izoluar që s’e cenon paqen
-
Vuçiq ankohet në Perëndim për urat e reja në Ibër
-
Vuçiq: Po zhvillojmë hetim për shpërthimin në kanalin e Ibër-Lepencit