Sekretariati i Kuvendit për Procedurat dhe Votimet rrëzoi sot kërkesën e opozitës për anulimin e votimit të ligjit “Për Teatrin Kombëtar”, që kaloi ditën e enjte me 75 vota pro.
Në përfundim të seancës plenare, kryetari i Kuvendit Gramoz Ruçi lexoi vendimin e Sekretariatit të Kuvendit.
Ai informoi se në mbledhjen e sekretariatit u thirr edhe deputeti Robert Bitri dhe administrata dhe me shumicë votash sekretariati rrëzoi kërkesën e paraqitur nga kyetarët e grupeve parlamentare PD-LSI për shpalljen e të pavlefshme të votimit dhe e konsideroi të drejtë votimin e Kuvendit. Sipas sekretariatit “asnjë deputeti të Kuvendit nuk i është mohuar e drejta e votimit”.
Opozita i dërgoi një kërkesë Kuvendit që ligji të anulohej, pasi e cilësoi procesin të manipuluar. Kërkesa e opozitës bazohej në faktin që deputeti Vangjel Tavo nuk ishte në Kuvend, ndërkohë që rezultonte se kishte votuar, pasi me kartën e tij votoi Robert Bitri, ish-deputet i LSI-së, tashmë i pavarur.
Për këtë arsye opozita vendosi sot që të bojkotonte Kuvendin.
-
Opozita në Shqipëri sot bojkotoi Kuvendin për shkak të Ligjit për Teatrin
-
Projektligji për Teatrin, miratohet mes tensionit në Kuvendin e Shqipërisë
-
Ndërsa opozita në Shqipëri sot proteston para Kuvendit, anulohet seanca
-
Kuvendi për herë të tretë voton për rrënimin e Teatrit në Tiranë
-
Miratohet Projektligji për mbylljen e lojërave të fatit në Shqipëri e rrëzohet dekreti për Teatrin