Ngjarje të rëndësishme politike e shoqërore janë përcjellë te lexuesit e KOHA.net, nëpërmjet fotografive të fotoreporterëve Alban Bujari e Driton Paçarada, gjatë vitit 2022.
Poshtë gjeni disa prej fotografive që përthekojnë vitin 2022:
Protestë e qytetarëve kundër shtrenjtimit të energjisë – 26 janar, foto nga Alban BujariMarshi i ushtarëve të Forcës së Sigurisë, i organizuar në kryeqytet më 17 shkurt, është kthyer në spektaklin që mori vëmendjen më të madhe në përvjetorin e 14-të të Pavarësisë. Mijëra qytetarë ishin aty e flukse të mëdha qytetarësh kanë vizituar edhe Prekazin për të bërë homazhe në varret e Jasharëve Qytetarët shpalosën shpresë për ditë më të mira për shtetin e drejtues institucionalë thanë të jenë të përkushtuar për ta shtyrë Kosovën drejt BE-së e NATO-s. Foto nga Alban BujariBashkimi i Sindikatave të Pavarura të Kosovës ka protestuar në kërkim të miratimit të Ligjit për Paga – 8 prill, foto nga Alban BujariAlarm i rremë për bombë në Rektoratin e Universitetit të Prishtinës - 24 maj, foto nga Driton PaçaradaProtestë në kërkim të votimit të lejimit të tërheqjes nga Trusti - 26 maj, foto nga Alban BujariVeteranë të UÇK-së, më 6 qershor, kanë bërë përpjekje që të hyjnë në sallën plenare, për t’i penguar ndryshimet ligjore që shqyrtoheshin nga deputetët, e me të cilat Qeveria synonte ta rriste pagën minimale dhe ta hiqte detyrimin që në lartësinë e saj ta paguajë pensionin për secilin veteran. Ata janë ndalur nga forcat speciale të policisë dhe në përballje është hedhur edhe gaz lotsjellës e edhe sprej piperi. Pasi ndryshimet ligjore nuk kaluan në mungesë kuorumi, protestuesit u shpërndanë, por paralajmëruan bllokimin e institucioneve nëse ndryshimet ligjore do të vihen sërish në rend dite – 6 qershor, foto nga Alban BujariMë 24 qershor, qytetarë të Kosovës përmes një proteste shprehën zhgënjimin me Bashkimin Evropian që ende nuk e ka marrë vendimin për liberalizimin e vizave. Ata vazhdojnë të presin në radhë para ambasadave për t’u pajisur me vizë, por shpresojnë se shpejt BE-ja do ta marrë vendimin për t’ua mundësuar kosovarëve që lirshëm të lëvizin në zonën Schengen – 24 qershor, foto nga Alban BujariBarrikadat në veri, kundër reciprocitetit në targa dhe dokumente - 1 gusht, foto nga Driton PaçaradaQeveria e Kosovës vendosi flamuj të Ukrainës pranë atyre të Republikës së Kosovës, në nder të Ditës së Pavarësisë së këtij vendi, më 24 gusht. Kjo ditë gjithashtu shënoi 6-mujorin e fillimit të pushtimit rus në Ukrainë, luftë që po vazhdon – 24 gusht, foto nga Alban BujariNjë nga vizitat e shpeshta të emisarëve evropianë e amerikanë për dialogun - 24 gusht, foto nga Alban BujariMbi 1600 persona, viktima të luftës së fundit në Kosovë, vazhdojnë të jenë në listën e të zhdukurve. Kërkimet e fundit për trupat e zhdukur janë bërë në fshatin Shtaval të Komunës së Sjenicës në Serbi, por pa rezultate. Ndërsa mbetjet e fundit mortore që u gjetën ishin ato të një viti më parë në Kizhevak të Serbisë. Përshpejtimi i këtij procesi, sipas drejtuesve të institucioneve, po varet kryesisht nga vullneti i regjimit të Serbisë, që 23 vjet më parë kishte kontrollin mbi territorin e Kosovës dhe që po ky shtet është përgjegjës për vrasjet dhe zhdukjet e trupave. Ata, si edhe familjarët, më 30 gusht, në Ditën Ndërkombëtare të të Zhdukurve me Dhunë kërkuan nga bashkësia ndërkombëtare të ushtrojë trysni ndaj Serbisë – 30 gusht, foto nga Alban BujariProtesta në Prishtinë kundër dhunimit ndaj 11-vjeçares në Prishtinë - 31 gusht, foto nga Driton PaçaradaShtatori nisi me grevë në arsim. Ajo zgjati një muaj – 1 shtator, foto nga Driton PaçaradaOrganizata për Rritjen e Cilësisë në Arsim, ORCA, më 25 tetor mbajti një aksion simbolik para Rektoratit të Universitetit të Prishtinës, në shenjë proteste ndaj shkarkimit të Naser Sahitit nga pozita e rektorit. Sipas aktivistëve të ORCA-s, nëpërmjet shkarkimit anëtarët e Këshillit janë vënë në anën e plagjiatorëve – 25 tetor, foto nga Driton PaçaradaDuke u rënë borive, qytetarët kanë shprehur mllefin për kaosin dhe kolonat e gjata të krijuara gjatë gjithë 28 tetorit në rrugët e kryeqytetit, shkaku i testimit që Komuna e Prishtinës ia ka bërë qarkores njëkahëshe brenda qendrës. Rrugët u bllokuan për tri ditë. Kryetari Përparim Rama kërkoi mirëkuptim nga vozitësit dhe theksoi se e di që mund të jetë qytetari më i urryer i ditës – 28 tetor, foto nga Driton PaçaradaMë 6 nëntor qindra policë në veri të Kosovës dorëzuan dorëheqjet si protestë ndaj vendimit të Qeverisë për targat. Foto nga Driton PaçaradaNë më pak se 24 orë pas vrasjes së 35-vjeçares H. M. dhe foshnjës që ajo priste ta lindte, më 1 dhjetor është organizuar protestë për të kërkuar drejtësi për të dhe gratë e tjera që patën të njëjtin fat, tragjik. Protesta nisi nga sheshi “Zahir Pajaziti”, në drejtim të Ministrisë së Drejtësisë, vazhdoi te Prokuroria e Shtetit, Policia e Kosovës, Këshilli Gjyqësor i Kosovës e përfundoi te Qeveria e Kosovës. Të gjitha këtyre institucioneve iu la nga një mbishkrim: “Vrasja e grave është urgjencë kombëtare”. Foto nga Driton PaçaradaNë Llugaxhi të Lipjanit u varros gruaja që u vra nga bashkëshorti i saj para objektit të Klinikës Gjinekologjike - 2 dhjetor, foto nga Alban BujariSerbët lokalë në veri dy herë gjatë vitit bllokuan rrugët, si reagim ndaj vendimeve të Qeverisë së Kosovës për targat ilegale dhe së fundi për arrestimin e ish-zyrtarit policor, Dejan Pantiq, i dyshuar për sulme ndaj Komisioneve Komunale Zgjedhore në Mitrovicë - 11 dhjetor, foto nga Driton PaçaradaMbi 1000 persona të veshur me rroba të Babadimrit kanë marrë pjesë më 25 dhjetor në minimaratonën humanitare “Vrapo Babadimër”, në Prishtinë. “Gara” ishte e hapur për të rritur, të rinj e për persona me nevoja të veçanta. E gjitha që u desh për t’u bërë pjesë e ngjarjes ishte blerja e rrobave të Babadimrit, e paratë e grumbulluara, sipas organizatorëve, do të shkojnë për familjet në nevojë – foto nga Driton Paçarada
