Pas ripërtëritjes së konkursit për zgjedhjen e shefave dhe kryeinfermiereve të 25 reparteve në Spitalin e Përgjithshëm të Pejës, të martën drejtori i këtij spitali, Skënder Dreshaj, ua ka nënshkruar kontratat shefave të përzgjedhur për mandatin e ri trevjeçar.
Në mesin e shefave që do të drejtojnë repartet e spitalit, vetëm njëri prej tyre është i ri, derisa të gjithë të tjerët, siç e konfirmon Dreshaj, kanë qenë të njëjtit që kanë drejtuar repartet edhe mandatin e kaluar, shkruan sot Koha Ditore.
“Sot i kam nënshkruar kontratat me shefat e reparteve. Ndryshim ka pasur vetëm në Repartin e Radiologjisë, sepse në repartet e tjera kanë mbetur shefat e njëjtë që kanë qenë”, thotë Dreshaj.
Sipas tij, për kryeinfermieret e reparteve ende nuk ia kanë sjellë vendimet për t’i nënshkruar, por, siç shtoi ai, procedurat janë kryer edhe për kryeinfermieret. Drejtoresha e Infermierisë në këtë spital, Hidajete Krasniqi, tregoi se konkursi është kryer me intervistat e mbajtura të premten që shkoi.
(Artikullin e plotë mund ta lexoni sot në “Koha Ditore”)
-
Mungesa e stafit vështirëson shërbimet në disa reparte të spitaleve të Pejës dhe Gjakovës
-
Pensionimi i mjekëve rëndon shërbimet në tri reparte në Spitalin e Pejës
-
Spitali i Pejës po shton kapacitetet për përballjen me COVID-19
-
Spitali i Pejës është gati të punojë me të gjitha kapacitetet nga 1 qershori
-
Në Pejë mungesë e mjekëve të rinj, disa reparte rrezikojnë të mbyllen