Kryetari i PDK-së, Kadri Veseli gjatë një konference shtypi ka adresuar kritika ndaj Qeverisë, duke bërë të ditur po ashtu se partia e tij do ta mbështesë dekretin e presidentit Thaçi për shpalljen e gjendjes së jashtëzakonshme lidhur me përhapjen e epidemisë së koronavirusit në Kosovë.
Ai ka thënë se gjendja e jashtëzakonshme është fakt, pavarësisht formalizimit.
“Si rezultat i deportimit dhe përhapjes së kësaj pandemie, është krijuar gjendja e jashtëzakonshme edhe në shtetin tone”, ka thënë ai.
Veseli ka shtuar se është obligim i të gjithëve të veprohet sa më shpejt për kthim në normalitet.
“Kjo është përgjegjësi në rend të parë e Qeverisë, por edhe gjithë neve”.
Edhe
Veseli akuzon Qeverinë në detyrë: Po rrezikohet sovraniteti i veriut të Kosovës
Kryetari i PDK-së ka thënë se masa ekstreme janë të domosdoshme, shkaku i rritjes së numrit të të infektuarve me koronavirus.
“Jemi në një situatë kur banorët e Vitisë, Klinës, Malishevës janë të izoluar në karantinë, përderisa edhe në Podujevë dhe në kryeqendrën e Republikës sonë ka të prekur por kujdesi për këto komuna nuk është ai i duhuri dhe mbështetja nuk është e mjaftueshme. Rrjedhimisht, përballimi i tyre me këtë gjendje është i vështirë”, ka thënë ai.
-
Veseli: Qeveria po e keqmenaxhon situatën emergjente, s’ka asnjë plan për t’i ndihmuar bizneset e punëtorët
-
Kurti u kërkon ndihmë ambasadorëve të huaj për situatën me COVID-19 në Kosovë
-
Paralajmërohet shpallja e gjendjes së jashtëzakonshme
-
Presidenti Thaçi falënderon personelin mjekësor, nuk përmend gjendjen e jashtëzakonshme