Kryetari i Kuvendit, Kadri Veseli ka deklaruar se ideja e rezolutës është që të vazhdohet me hapa të tjerë, pasi duhet të krijohet një Tribunal Ndërkombëtar për krimet serbe.
Veseli këto komente i bëri pas propozimit të shefit të Grupit Parlamentar të Nismës Socialdemokrate, Bilall Sherifi për krijimin e një komision lidhur me sanksionet e krimeve dhe gjenocidit serb në Kosovës.
“Tani është përvjetori i masakrave të mëdha, 186 masakra, me qindra njerëz, fëmijë posa të lindur, për besë të gjithë më tepër si politikan jemi qenie njerëzore kur shkojmë t’i përkujtojmë ende, dhe Kuvendi mos me marrë asnjë hap nuk është e ndershme. Keni parasysh me datën 3 gusht 2015, Kuvendi i Republikës së Kosovës nuk ka arritur ta bëjë këtë, 102 deputetë kanë votuar, 55 kundër “, tha Veseli.
Veseli shtoi se edhe sot po ndodhë mohimi i masakrave nga serbët, dhe kështu do të ndodhë edhe pas pesë viteve.
“Ideja nuk është vetëm të bëjmë rezolutë, ideja është që përmes kësaj rezolute të bëhen hapat, duhet të shkojmë në Këshill të Evropës, Parlament Evropian ky komision. Duhet të krijohet një Tribunal Ndërkombëtar për krimet serbe dhe kjo duhet gjithsesi, është në nderin dhe dinjitetin e këtij vendi. I keni mohimin e makrave e cila po ndodh sot dhe kështu do të ndodhë edhe pas pesë viteve të gjitha”, tha ai./KosovaPress/
-
Veseli: Të formohet Tribunali ndërkombëtar për krimet serbe, nuk ka amnisti
-
Veseli: Dikush po mundohet ta keqinterpretojë iniciativën për Tribunalin
-
Veseli: Masakra në Dubravë është një nga dëshmitë e gjenocidit serb në Kosovë
-
Përfundon seanca, Veseli VV-së dhe LDK-së: Ia bëjmë si të doni vetëm votojeni Tribunalin
-
Veseli tregon “pse duhet të themelohet Tribunali Ndërkombëtar për krimet e Serbisë në Kosovë”