Në Komunën e Podujevës është duke u zhvilluar fushata e korrje-shirjeve, kurse për të përcjellë nga afër këtë fushatë kryetari i Komunës, Agim Veliu, i shoqëruar nga Drejtori i Drejtorisë së Bujqësisë, Pylltarisë dhe Zhvillimit Rural, Avni Fetahu, kanë vizituar fshatin Balloc.
Duke u uruar të korra të begatshme, Veliu shprehu bindjen se edhe sivjet do të ketë rendimente të mira të grurit për bujqit llapjanë, për të sjellë në sofrat tona produkte cilësore.
Kryetari i Podujevës tha se Podujeva është komunë bujqësore, andaj në vazhdimësi po i jepet prioritet bujqësisë, duke rritur edhe buxhetin e subvencionimeve në Drejtorinë e Bujqësisë Pylltarisë dhe Zhvillimit Rural.
“Po vazhdojmë me rritjen e buxhetit në sektorin e bujqësisë në mënyre që përkrahja e Komunës të shkojë deri tek secili bujk që dëshiron ta punojë tokën”, tha kryetari Veliu.
Drejtori i Drejtorisë për Bujqësi, Pylltari dhe Zhvillim Rural i Komunës së Podujevës (DBPZHR), Avni Fetahu, tha se sivjet gruri është i cilësisë së mirë dhe rendimentet sillen prej katër deri në pesë ton për hektar.
Sivjet në komunën e Podujevës kanë qenë të mbjella gjithsejtë 4, 125 hektarë me grurë.
-
Zyrtarët thonë se sivjet sigurohet më shumë grurë sesa kërkesat për konsum
-
Kurti: Priten rendimente prej 4 deri në 5 tonë grurë për hektar këtë vit
-
Nga korrje-shirjet Peja këtë vit mori 1.3 tonë grurë më shumë se vitin e kaluar
-
Komuna e Podujevës shpërndau 100 motokultivatorë për fermerë
-
Ndahen pajisje për 100 bletarë në Podujevë