Mësimdhënësja dhe shkrimtarja, Hanëmshahe Ilazi, ka vdekur të mërkurën në moshën 80-vjeçare, kanë njoftuar familjarët e tij.
Sipas njoftimit të familjarëve, varrimi i saj do të bëhet sot në orën 15:00 në fshatin Muhovc të Ferizajt.
Hanëmshahe Ilazi ishte veprimtare shqiptare, shkrimtare e mësimdhënëse, e njohur për angazhimin e saj në dokumentimin e krimeve të luftës në Kosovë, veçanërisht të vrasjes së fëmijëve shqiptarë nga forcat serbe.
Ajo është autore e librit “A vriten engjëjt?!”, të botuar më 2012, ku dokumentohen fëmijët e vrarë gjatë periudhës 1981–1999. Më pas, së bashku me Nusret Pllanën, ka kontribuar edhe në veprën “Fëmijët martirë të Kosovës 1981–1999”, e cila përmbledh të dhëna për fëmijët e vrarë dhe të zhdukur.
Ndër veprat e saj përfshihen edhe dy libra të botuar nga shtëpia botuese KOHA: “Gratë e njohura të trojeve shqiptare” dhe “Gratë e huaja për shqiptarët dhe shqiptarët e diasporës”.
Për rreth 20 vjet, ajo dha mësim në shkollën e mesme “Elena Gjika” në Prishtinë si arsimtare e gjuhës shqipe.
