Ushtria turke ia ka uruar Pavarësinë e Kosovës kontingjentit të Forcës së Sigurisë që gjendet në Hatay të Turqisë për t’u dalë në ndihmë autoriteteve pas tërmeteve shkatërruese të 6 shkurtit.
FSK-ja ka njoftuar se të premten, në 15-vjeton e Pavarësisë, është vizituar në Hatay nga regjimenti i komandos turke.
“Kontingjenti i FSK-së feston 15-vjetorin e Pavarësisë së Kosovës në Hatay të Turqisë. Edhe pse në gjendje të jashtëzakonshme, ushtria turke gjeti kohë të vizitojë ushtaraket tanë që janë në mision në Hatay të Turqisë, dhe t’ia urojnë Pavarësinë e Republikës së Kosovës”, thuhet në njoftim.
Në shenjë falënderimi, ushtritë shkëmbyen flamujt e shteteve respektive.
Ekipi i FSK-së gjendet në Turqi pas tërmeteve të javës së shkuar që prekën edhe Sirinë, e që lanë të vdekur mbi 41 mijë njerëz.
-
Turqia me falënderim të veçantë, publikon videon e shpëtimit të 2-vjeçares nga FSK-ja
-
Nderohet me medalje kontingjenti i FSK-së që ishte në Turqi
-
Dekorohet Kontingjenti i FSK-së që shërbeu në Turqi
-
Ushtari i FSK-së për situatën në Turqi: Pak është të thuhet tmerr
-
Nderohen me medalje pjesëtarët e FSK-së që ndihmuan në kërkim-shpëtim në Turqi