UP-ja kujton Demaçin, rektori thotë se vepra e tij do të jetojë brez pas brezi

Akademikë, profesorë dhe studentë të Universitetit të Prishtinës, me një minutë heshtje nisën mbledhjen komemorative në nderim të figurës së atdhetarit të shquar, Adem Demaçi.

Me jetën dhe veprën e tij, Demaçi,sipas profesoreshës Myrvete Dreshaj –Baliu, janë lidhur konceptet politike dhe vetëdija historike e popullit të Kosovës.

Rektori i Universitetit të Prishtinës, Marjan Dema, tha se ka qenë emri i Demaçit që na dha guxim të jemi të pandalshëm në rrugën drejt lirisë.

I biri i tij, Shqiptar Demaçi, kujtoi demonstratën e 1994-s për Universitetin e Prishtinës, kur i ati i tij bashkë me rektorin Ejup Statovci, shpërthyen kordonin policor për të vazhduar tutje protestën.

Adem Demaçi vdiq në moshën 82-vjeçare nga shkaqe shëndetësore, përderisa figura e tij shihet si sinonim i rezistencës kombëtare, pasi kaloi afro tri dekada si i burgosur politik në burgjet e ish-Jugosllavisë.