Universitetet do të pranojnë mbi 15 mijë studentë, konkursi ende s’është hapur

Në të gjitha institucionet e Arsimit të Lartë në Kosovë, pritet të regjistrohen 15 mijë e 255 studentë në vitin e ri akademik 2017/ 2018.

Këtë vendim e ka marrë Ministria e Arsimit, Shkencës dhe Teknologjisë pas propozimeve që i kanë bërë vetë njësitë akademike.

Sipas Fetahut, secili institucion akademik është i obliguar të pranojë edhe studentë të komuniteteve.

Por, Universiteti i Prishtinës “Hasan Prishtina”, ende nuk e ka hapur konkursin për pranim të studentëve.

Halim Hyseni, njohësi i çështjeve arsimore, thotë se vetë fakti që nuk janë krijuar programe studimore profesionale nënkupton se sërish do të kemi përqendrim të studentëve në 3 apo 4 njësi, dhe tregu i stërmbushur me të diplomuar në vetëm disa fusha, do t’i lë edhe shumë të tjerë pa punë.

Hyseni thotë se edhe ky numër i miratuar është shumë i madh, pasi nuk janë krijuar kurrfarë kushtesh që studentët të marrin mësime cilësore si në UP, ashtu edhe në institucione të tjera publike.