Kthjellime e vranësira kalimtare dominojnë motin në Shqipëri deri në mesditë kur vranësirat bëhen më të dukshme në zonat malore, kryesisht në juglindje të vendit.
Edhe pasditja vijon me kthjellime e vranësira kalimtare në Ultësirën Perëndimore ndërsa mbeten të dukshme vranësirat në zonat malore të cilat gjatë natës do të shtrihen gradualisht në të gjithë Shqipërinë.
Sipas MeteoAlb, temperaturat e ajrit ulen me 2°C gjatë mëngjesit duke shënuar -4°C.
Por mesdita rrit temperaturat në zonat malore ndërsa maksimumi në rang vendi do shënojë 17°C.
Era do fryjë mesatare me shpejtësi 35 km/h gjatë paradites por pasditja dobëson ndjeshëm erën në territor ndërsa drejtimi i erës paraqitet kryesisht verior duke krijuar në det dallgëzim 2-3 ballë.
Artikuj të ngjashëm