Uebfaqja e re e Komunës së Prizrenit ende nuk është kompletuar me të dhëna, ani pse është lëshuar në funksion prej një javësh.
Zyrtarët e Komunës së Prizrenit, të hënën, kanë pranuar se publiku ka qenë i privuar për një kohë nga marrja e informatave nga pushteti lokal për shkak të mosfunksionimit të uebfaqes zyrtare, shkruan sot “Koha Ditore”.
Sipas tyre, uebfaqja e re e Komunës ka hyrë në funksion që prej javës së kaluar, por se nevojitet që të plotësohet me të dhëna. Ndërkohë aktivistët e shoqërisë civile patën bërë publik qëndrimin se transparenca e Komunës së Prizrenit në muajt e parë të qeverisjes mbetet problematike.
Përmes një njoftimi të publikuar në rrjetet sociale, zyrtarët e Komunës kanë pohuar se uebfaqja e re po funksionalizohet (gjerësisht, sot në “Kohën Ditore”)