-
Nga:
Ardit Kika
- 8 mars 2022 14:54
- Shpërndaje në:
Operatorët ilegalë duhet të ndalen për t’u ndalur dezinformomi në Kosovë.
Ky është konstatimi që doli nga tryeza e organizuar nga Komisioni për Administratë Publike, Pushtet Lokal, Medie dhe Zhvillim Rajonal lidhur me piraterinë, portalet dhe IPTV-të që shpërndajnë lajme të rreme dhe propagandë.
“Nëse nuk mund ta ndalim piraterinë nuk mund t'i ndalim as lajmet e rrejshme”, ka thënë Doarsa Kica-Xhelili, deputete e partisë në pushtet – VV-së.
Sipas saj, duhet të identifikohen edhe kanalet e Serbisë që janë pjesë e "MTS DOO" që shpërndajnë lajme të rreme lidhur me luftën në Ukrainë.
Zëdhënësi i Qeverisë, Përparim Kryeziu, tha se kjo është brengë ka marrë edhe vëmendjen e kryeministrit.
Ka thënë se BE-ja po e konsideron dezinformimin si sulm mbi demokracinë dhe sigurinë.
“Dezinformimi po përdoret edhe si formë e ndërhyrjes së jashtme në vendin tonë”, tha ai.
Xhevat Latifi, kryetar i Bordit të Komisionit të Pavarur të Mediave (KPM), ka deklaruar se gjatë vitit 2021 janë identifikuar 13 operatorë ilegalë IPTV dhe se këtë çështje nuk mund ta adresojë KPM-ja si e vetme.
