Tollovi e madhe në ditën e parë të Prishtinës në karantinë

Asnjë qytetar që nuk është banor i Prishtinës nuk është lejuar të futet në kryeqytet nga Policia e Kosovës këtë të diel.

Qysh në orët e para të mëngjesit ekipet e policisë u vendosën në çdo hyrje-dalje të Prishtinës, pasi me shtimin e rasteve të reja me COVID-19, kryeqyteti u fut në karantinë, transmeton KOHA.

E masa e re shkaktoi tollovi e kolona të gjata në hyrje të Prishtinës nga Fushë-Kosova.

Qytetarët që deshën të ktheheshin ose të largoheshin nga kryeqyteti e patën mundësinë vetëm deri në orën 17:00.

Tri lokacione, një kompleks banesor dhe dy shtëpi po mbikëqyren 24 orë nga Policia.

“Ditëve në vijim do të ashpërsohen masat”, ka paralajmëruar kryetari Shpend Ahmeti.

Edhe Arbëri 12 pri 2020 Kolona të gjata në hyrje të Prishtinës

Banorët e shohin të duhur vendimin për futje në karantinë, por thonë se mungon vetëdijesimi te qytetarët.

Nga 25 kontaktet e personit të infektuar ditë më herët, 20 janë testuar pozitivë brenda 24 orëve në Prishtinë, e të cilët aktualisht nuk kanë simptoma dhe gjendja e tyre po monitorohet.

Sipas Ministrisë së Shëndetësisë dhe asaj të Tregtisë, profesionistët shëndetësorë, sektori i sigurisë, shërbimet publike dhe mediat janë disa nga kategoritë që mund të lëvizin brenda dhe jashtë Prishtinës gjatë kohës sa zgjat karantina.