Presidenti i vendit, Hashim Thaçi, ka pritur një delegacion të Forumit Kosovar për Aftësi të Kufizuara të kryesuar nga kryetari Bujar Kadriu.
Presidenti e ka vlerësuar lart përfshirjen e tetë organizatave të personave me aftësi të kufizuara në kuadër të këtij forumi.
“Të bashkuar mund të jeni shumë më të zëshëm”, u shpreh Thaçi.
Ndërsa, kryetari i Forumit Kosovar për Aftësi të Kufizuara, Bujar Kadriu, ka thënë se misioni i tyre është që t’i përfaqësojnë dhe mbrojnë sa më mirë të drejtat e personave me aftësi të kufizuara, si dhe të unifikojnë politikat dhe strategjitë e të gjitha organizatave që përfaqësojnë.
“Jemi pranuar si anëtar edhe në Forumin Evropian për Persona me Aftësi të Kufizuar (EDF) dhe kjo na jep mundësi të përfaqësojmë zërin tonë në nivel evropian”, ka thënë Kadriu.
Presidenti Thaçi u ka premtuar përkrahje institucionale dhe rritje të pjesëmarrjes aktive në shoqërinë tonë.
-
Thaçi: Shteti do t’iu dalë në ndihmë atyre që goditen në aspektin ekonomik
-
Thaçi: Kosova është model i respektimit të komuniteteve
-
Thaçi thotë se Zvicra do ta përkrah Kosovën për t’u anëtarësuar në organizata ndërkombëtare
-
Thaçi: Kosova lidere në rajon në luftën kundër ekstremizmit
-
Thaçi fton opozitën t’i bashkohet delegacionit të Kosovës në Bruksel, i gatshëm t’i raportojë Kuvendit