Thaçi mbështet Kryqin e Kuq Ndërkombëtar në zbardhjen e fatit të të pagjeturve

Presidenti i Republikës së Kosovës, Hashim Thaçi, ka pritur sot drejtorin e Komitetit Ndërkombëtar të Kryqit të Kuq (KNKK) për Evropë dhe Azi Qendrore, Patrick Vial, i shoqëruar nga shefi i Misionit të KNKK-së në Kosovë, Agim Gashi.

Në këtë takim është biseduar për mundësinë e thellimit të bashkëpunimit ndërmjet institucioneve të Kosovës dhe Kryqit të Kuq Ndërkombëtar.

Presidenti Thaçi ka theksuar se roli i KNKK-së në periudha të ndryshme ka qenë përcaktues për tejkalimin e sfidave të ndryshme që ka pas populli i Kosovës.

“Ju falënderoj për mbështetjen që i keni dhënë popullit para dhe pas luftës në Kosovë”, ka thënë presidenti Thaçi.

Gjithashtu, në këtë takim është biseduar edhe për çështjen e personave të pagjetur.

Presidenti Thaçi i ka shprehur mbështetje të plotë KNKK-së në zbardhjen e fatit të pagjeturve nga të gjitha komunitetet.

Edhe Arbëri 19 qer 2020 Hoti falënderon shefin e Misionit të KNKK-së në Kosovë për angazhimin në zbardhjen e fatit të pagjeturve

Nga ana tjetër, Drejtori i Komitetit Ndërkombëtar të Kryqit të Kuq (KNKK) për Evropë dhe Azi Qendrore, Patrick Vial, e ka falënderuar presidentin Thaçi për mbështetjen e dhënë.

Presidenti Thaçi dhe drejtori i Komitetit Ndërkombëtar të Kryqit të Kuq (KNKK) për Evropë dhe Azi Qendrore kanë biseduar edhe për iniciativën e themelimit të Komisionit për të Vërtetën dhe Pajtimin, i cili është mirëpritur nga familjet e të pagjeturve nga të gjitha komunitetet në Kosovë.