Presidenti i Kosovës, Hashim Thaçi, gjatë ditës së sotme ka bërë homazhe te monumenti i Gjergj Kastrioti Skënderbe në Kozencë.
Ai përmes një shkrimi në Facebook, ka thënë se Skënderbeu është i përjetësuar te arbëreshët si personifikim i shpirtit heroik të shqiptarëve.
Postimi i Thaçit në Facebook:
Sot, në Kozencë, bëra homazhe te monumenti i heroit tonë kombëtar, Gjergj Kastrioti.
Ai është i përjetësuar te arbëreshët si personifikim i shpirtit heroik të popullit shqiptar.
Këngët popullore arbëreshe ruajtën kujtimin e luftërave të lavdishme të heroit tonë kombëtar, për të kulmuar me veprën e Jeronim De Radës për Skënderbeun, si dhe shpalosjen e përmasave të figurës së tij nga Rilindja Kombëtare.
Artikuj të ngjashëm