Myftiu i Kosovës, Naim Tërnava ka përshëndetur lirimin e ish-kryeministrit të Kosovës, Ramush Haradinaj.
Në një komunikatë për media, myftiu Tërnava ka thënë se Haradinaj edhe një herë konfirmoi pastërtinë e luftës çlirimtare të UÇK-së.
“Vendimi i Gjykatës së Colmar, për lirimin e ish-kryeministrit të Kosovës, Ramush Haradinaj edhe njëherë rikonfirmoj pafajësinë e tij personale dhe pastërtinë e Luftës Çlirimtare të UÇK-së, që për mision kishte lirinë , sovranitetin dhe dinjitetin për popujt e Kosovës”, thuhet në këtë komunikatë.
“Lirimi i Haradinajt është lajm i mirë për familjen, bashkëpunëtorët, popullin e Kosovën e mbi të gjitha për kauzën për të cilat Ai është angazhuar. Z. Haradinaj edhe kësaj radhe doli i pastër e faqebardhë përball shpifjeve, insinuatave e akuzave të pabaza”.
