Tekstet shkollore zor të pastrohen nga gabimet e shumta

Tekstet shkollore vazhdojnë të kritikohen për gabime të shumta e prani të termeve paragjykuese e diskriminuese.

Një rast i tillë është në librin e biologjisë, ku sindroma Down cilësohet si idioti mongoloid, term i cili sipas Organizatës Botërore të Shëndetësisë ka vite që nuk përdoret, dhe cilësohet si term fyes.

Kjo ndodh në librin e biologjisë së klasave të 10-ta të Gjimnazit Gjuhësor, si dhe në librin e klasave të 11-ta të Gjimnazit të Përgjithshëm.

Përfaqësues të organizatës Down Sindron Kosova, këtë gjë e quajnë skandal.

Melita Bytyqi Kelmendi, prind i një vajze me këtë sindromë, thotë se është ndjerë shumë keq kur ka parë se në libra përdoret termi ‘idioti mongoloid’.