Të martën nis gërmimi për eshtra të viktimave të luftës në kampusin e Universitetit të Prishtinës

Në këtë pjesë të kampusit të Universitetit të Prishtinës, të martën do të bëhen gërmime, pasi dyshohet për varrezë masive.

Pasi dëshmitarët kanë treguar se në këtë zonë mund të ketë mbetje mortore, prokurorja e Prokurorisë Speciale, Drita Hajdari, ka urdhëruar nisjen e gërmimeve, raporton KTV.

E një ditë para nisjes së gërmimeve, janë bërë përgatitjet teknike.

Drejtori i Institutit të Mjekësisë Ligjore, Arsim Gërxhaliu, thotë se dëshmitarët kanë treguar se gjatë luftës, në orët e mbrëmjes, ka pasur lëvizje të ekskavatorëve në këtë pjesë.

Gërxhaliu nuk i ka komentuar pritjet për rezultatin e gërmimeve.

Komisioni Qeveritar për Persona të Zhdukur, thotë se gjatë këtij viti do të bëhen gërmime edhe në disa lokacione të tjera, duke përfshirë edhe veriun e Mitrovicës.

Edhe Arbëri 2 j. më parë Gara: Ende s’kemi ftesë për vazhdimin e gërmimeve në Serbi, pala serbe refuzoi takimin në Prishtinë

Kjo nuk është hera e parë që gërmohet rreth Kishës Ortodokse në Prishtinë.

Edhe më 2016 ishin bërë gërmime në tre vende në kampusin universitar, por pa rezultat.

Në Kosovë nuk dihet ende për fatin e më shumë se 1.600 personave të zhdukur.